اعضاء جنونك في رمضان [الأرشيف] - جنونك

عبداللـہ

09-01-2008, 08:48 AM

السلام عليكم

كل عام وانتم بخير بمناسبة حلول شهر الرحمة

طبعا فكرة الموضوع معروفة

وهي مجموعه اسئلة منوعه راح اطرحها هنا

ونختار عضو ليجيب عليها

ومن ثم يختار اي عضو بعده

ماذا يعنى لك شهر رمضان؟

ماهو برنامجك اليومي في شهر رمضان(البرنامج كامل) ؟

حدثنا عن رمضان والطفولة وأيامك الاولى بالصوم؟

ما هو الشيء الذي تتمنى فعله ولم يتحقق إلى هذا الوقت بـ هذا الشهر الفضيل...؟

ماهي الوجبة المفضلة عندك من حيث الطبق الرئيسي والمشرب والحلو؟

موقف ظريف حصل لك في شهر رمضان ؟

ماهو المسلسل اوالبرنامج الذي تحرص على متابعته خلال شهر رمضان ؟

لو خيروك بين 5اعضاء لدعوتهم على الافطار من تختار ؟

من تختار من الاعضاء ليكون بعدك؟......

وراح تكون بدايتنا مع المشرفه الجديدة قوومر هع

ننتظر تفاعلكم

المحارب

09-01-2008, 03:19 PM

لو خيروك بين 5اعضاء لدعوتهم على الافطار من تختار ؟

أقدر أختار سحالي >> مصدق الولد هههههههه

المووووووهم الفكرة حلوة أخوي سولت وبادرة طيبة منك

وننتظر المشرفة قوومر

قوومر

09-02-2008, 08:30 AM

السلام عليكم

وعليكم السلام ورحمة الله وبركاته
كل عام وانتم بخير بمناسبة حلول شهر الرحمة
وانت بخير وصحه وسلامه

طبعا فكرة الموضوع معروفة

وهي مجموعه اسئلة منوعه راح اطرحها هنا

ونختار عضو ليجيب عليها

ومن ثم يختار اي عضو بعده

ماذا يعنى لك شهر رمضان؟

اول شي رمضان له طابع خاص عن بقية الأشهر منذ الماضي وان كنا اطفال لانعرف شي ولكن كان له مايميزه عن غيره بالنسبه لي سبحان الله شهر يحس القلب فيه بالراحه
وهو شهر المغفره الرحمه التسامح العطاء التواصل

ماهو برنامجك اليومي في شهر رمضان(البرنامج كامل) ؟
اووووما هذا سؤال كامل الدسم
بس ماقلت لي برنامج العام ولا السنه >>>>>>>عشان التوضيح بس هع هع

جدولي اول حاقه اقوم من النوم اتروش اصلي اقرا لي قران بس موجزء كامل
وبالمطبخ الين المغرب >>>>>>بهذي نصابه
لا اجلس بالغرفه الى المغرب طلعت منها ع الساعه 4 ونص او 5 اطل بالمطبخ طبعن امي تطالع بنص عين ادخل بكل حماس واقول لهاا اذا تبي شي ولا ماشيات ولا مساعده

ارجع اتسلل الى الصاله افرر بالتلفزيون اشوف العوضي عالراي
بعدها اجهز السفره نفطر
بعد الافطار انسدح واتابع اوم خماس احووبها
ع الساعه 7 ونص اروح للغرفه اقرا قران وادعيه
ع الساعه 9 ونص اطلع اذا بروح مكان ولا اجلس بالبيت عاطي
اشوف التلفزيون شوي وادخل المنتدى
ساعه 2 ونص اصلي نوافل

وبعدها صلاة الفجر وخلاص

على فكره بديت احاول اطبخ هع هع

حدثنا عن رمضان والطفولة وأيامك الاولى بالصوم؟
اما عاد الطفوله كانت حلوه برمضان حماس يوم اللي ودك تصوم ويوم اللي ماودك تفطر
اما ايامي الاولى بالصوم كانت بالــ 7 سنوات وكنت اصوم 10 ايام وافطر عشرين ولا كنت
اصوم بس بعد الامساك بساعه
على فكره كانت امي تفطرني بسبب الحنه اللي احنها عليها وكل شوي سألتها كم الساعه الحين يعني كم باقي ويصير الفطور
وبس حد يحركني من اخواني علة طول اروح انتقم وافطر هع هع

ما هو الشيء الذي تتمنى فعله ولم يتحقق إلى هذا الوقت بـ هذا الشهر الفضيل...؟
اداء العمره بهذا الشهر
ماهي الوجبة المفضلة عندك من حيث الطبق الرئيسي والمشرب والحلو؟
مافي شي عندي رئيسي امي تسوي هريس وانا مااحبها واجد
احب المحاشي هع والبيتزا
المشروب تونو اخو فيمتو
الحلووو مااحب الحلو بتاتن البته

موقف ظريف حصل لك في شهر رمضان ؟
مااقدر اقوله هع هع

ماهو المسلسل اوالبرنامج الذي تحرص على متابعته خلال شهر رمضان ؟

برنامج العوضي بيني وبينكم
لو خيروك بين 5اعضاء لدعوتهم على الافطار من تختار ؟

والله سؤال موحير اختارهم كلهم
من تختار من الاعضاء ليكون بعدك؟......

مضاوي نجد

وراح تكون بدايتنا مع المشرفه الجديدة قوومر هع

الله يعافيك يامشرفنا الغالي هع

عبداللـہ

09-02-2008, 08:40 AM

يسلمو قوومر

مشكورة ع التفاعل

ننتظر مضاوي

عبداللـہ

09-03-2008, 06:32 PM

نمشي الموضوع بس

ومتى ماجات مضاوي تجاوب

اختار ستليوس

ستليـــوس

09-03-2008, 10:26 PM

يعطيكـ الف عافيه على هذا الموضوع اخووي سولت ..

واشكركـ على التوهيقه .. خخخخخخخخخ

ماذا يعنى لك شهر رمضان؟

شهر يعنيلي الكثير فهو شهر العباد وهو شهر تفتح فيه ابواب الرحمه وتغلق فيه ابواب النار ..

ماهو برنامجك اليومي في شهر رمضان(البرنامج كامل) ؟

اذا كنت تقصد السنه هذي ..

اول شي اقوم من النووم الساعه 9 واروح للدوام الى الساعه 4

وبعدها اقرأ قرأن من نص ساعه الى ساعه وبعدها اجلس انتظر الفطوور :690:

بعد الفطور اتابع بيني وبينك .. وارووح اصلي التراويح

وبعد الترااويح يصيروون الشباب تاكين اتكي معهم واطقطق بالنت واناظر اللي يجي من المسلسلات الى السحور وبعد السحور اصلي الفجر وانام..وعلى هالموال..

حدثنا عن رمضان والطفولة وأيامك الاولى بالصوم؟

الحمد لله من عمري سبع سنوات وانا اصووم ...

ما هو الشيء الذي تتمنى فعله ولم يتحقق إلى هذا الوقت بـ هذا الشهر الفضيل...؟

مافيه شي الحمد لله كل اللي تمنيته بهالشهر تحقق ..

ماهي الوجبة المفضلة عندك من حيث الطبق الرئيسي والمشرب والحلو؟
مافيه شي محدد

موقف ظريف حصل لك في شهر رمضان ؟
مووقف ظريف امممممممممممم كثيره لكن اللي ماني بناسيه واحد ..

بأيام المراهقه طبعاً :mh12:

كان يووم حر وجوعاان قلت وراه مانجرب نفطر الظهريه .. هع هع

المهم فيه واحد من الشباب تزهل بالفطوور راح الغبي وأخذ من بقالتهم الفطور ..

وافطرنا واستانسنا .. لسوء الحظ صار عندنا فطور ذك اليوووم والمصيبه الادهى والامر

ان ابو خوينا جاي للفطور المهم اني افطرت بس مالي نفس شبعاان :D

اكلت شوي وودي اقووم خلاص شبعت ..

قال عمي وراك ماتاكل قلت شبعت .. ضحك ابو خووينا قاال مفعوول الكيري ..

ههههههههههههههههههههههههه

انا تصفق وجي وقمت ... قلت اوول مره واخر مره خلااص

لعل ولده آكل ضرب لين دااخ ..خخخخخخخخخ معلمه هندي البقااله .. هع

ماهو المسلسل اوالبرنامج الذي تحرص على متابعته خلال شهر رمضان ؟
بيني وبينك...

لو خيروك بين 5اعضاء لدعوتهم على الافطار من تختار ؟
كلهم على العين والراس ..

من تختار من الاعضاء ليكون بعدك؟......

لك اخوي سوولت حرية الاختيار ..

Śħέħάŋά

09-04-2008, 03:21 AM

موضوع حلوو..

ويعطيكـ العاافيهـ ستليوس على الإجابات ياابو الكيري..http://gnonk.com/vb/images/smilies/biggrin.gif

وننتظــر ضيف جديد في صفحآآت صقيقي سولت...

عبداللـہ

09-04-2008, 03:54 AM

يسلمو ستليوس

صقيقتي شيهو :8:

مطلوبة للاجابة

Śħέħάŋά

09-04-2008, 04:40 AM

امحق صقيق ..

على طول أخترتنيـ...

مامداني ارد على الموضوع الا اطيح بتحقيق..

نبدأ بسم الله..

ماذا يعنى لك شهر رمضان؟

شهر فضيل له طابع وطعم مميز عن بقية الأشهر..

يكفي انه شهر القرآن..

ماهو برنامجك اليومي في شهر رمضان(البرنامج كامل) ؟

اهم شي قراءة القرآن..

صلاة التراويح

والمطبخ لامفر منه..

والنت متى مافضيت دخلته..

حدثنا عن رمضان والطفولة وأيامك الاولى بالصوم؟

الله آياااااام العصر كنت لازم انبطح تحت التلفزيون

بابا فرحان استنى شويه..

جدو سرحاان اياااااااااااااااااامـ...

واما عن بداية الصيام ماصمت إلا وانا في رابع ابتدائي..

ما هو الشيء الذي تتمنى فعله ولم يتحقق إلى هذا الوقت بـ هذا الشهر الفضيل...؟

الحمدالله كل شي حابه اسويه سويتهـ،،،

ماهي الوجبة المفضلة عندك من حيث الطبق الرئيسي والمشرب والحلو؟

على سفرة رمضان اهم شي اشووف اللقيمات والسلطهـ..

واحب اشرب تانج برتقال مع الفطور..

ووقت باب الحارهـ فيمتووو..

اما الحلوو مافي شي محدد احب كل الحلى..

موقف ظريف حصل لك في شهر رمضان ؟

مااذكر موقف حاليا..

ماهو المسلسل اوالبرنامج الذي تحرص على متابعته خلال شهر رمضان ؟

خواطر شباب ..

باب الحارهـ..

لو خيروك بين 5اعضاء لدعوتهم على الافطار من تختار ؟

أعزم كل اللي ساكنين بالريااض..

من تختار من الاعضاء ليكون بعدك ؟

اخــتـــار

جنونكـ ..

عبداللـہ

09-04-2008, 04:56 AM

يسلمو شيهو

مشكورة وننتظر مديرنا

علمتني الحياة

09-04-2008, 05:02 AM

موضوع حلوووو ...

يعطيك العافيه سولت ... التواصل بين الأعضاء مرره حلو ..

عساك على القوه

جنونكـ

09-04-2008, 05:10 AM

شكراً على استضافتكم لي :) برىا ..
نبدأ بسم الله..

ماذا يعنى لك شهر رمضان؟

شهر فضيل شهر المحبه والأخوه والعطاء .. شهر انزل فيه القرءان .. شهر القلوب الصافيه .. شهر مايفرق بين الكبير والصغير الغني والفقير ...

ماهو برنامجك اليومي في شهر رمضان(البرنامج كامل) ؟

اهم شي قراءة القرآن..
بالبدايه .. برنامجي حتى الآن متعب لأني احس بأرق شديد ..
انام بعد صلاة الفجر اصحى للدوام الساعه تسعه وربع .. وارجع للبيت الساعه ثلاثه ونص وانام بعد صلاة العصر حتى المغرب .. وأفطر واصلي المغرب .. وتدور الأيام هكذا بمشيئته

حدثنا عن رمضان والطفولة وأيامك الاولى بالصوم؟

الله ايام حلوه كنت اقضيها على اللعبه اللي تلقط السمكه <<< كح برىا
وأكثر الايام سربته بالشوارع بالسيكل ..
وكنت احب اتابع بعد صلاة المغرب على القناة الثانيه مشاهدات مضحكه ..
ايامي الأولى بالصوم ما اذكرها بصراحه بس كنت صغير بوقتها اذكر فيها فلوس اللي يصوم من اهلي ههههههههههههههههههههههههههه
والمغرب اخذها من عندهم وعلى الموال ..
والدليل تطليعت لسان ولا عفط جلد الأصبع ههههههههههههه ارزااااق ..

بس الأكيد ومتأكد كنت بالسنين الأولى بالابتدائيه اي سنه ما اذكر وربي

ما هو الشيء الذي تتمنى فعله ولم يتحقق إلى هذا الوقت بـ هذا الشهر الفضيل...؟

الحمدلله راضي على نفسي وبكل شي .. :)
ماهي الوجبة المفضلة عندك من حيث الطبق الرئيسي والمشرب والحلو؟

عيبي الوحيد اني ما أكل بالفطور .. اشرب قهوة وتمر وقشطه ..
الوجبه الأساسيه الشوربه فقط .. ولا أكل الى على السحور ..
ليش ماني عارف ..
بس اذا كنت معزوم احب اقضيها على الشوربه واخرها شوي على شان مايدقق .. :)

موقف ظريف حصل لك في شهر رمضان ؟

ماكوووو شي اتذكره . :)
ماهو المسلسل اوالبرنامج الذي تحرص على متابعته خلال شهر رمضان ؟

حالياً
باب الحارهـ..

لو خيروك بين 5اعضاء لدعوتهم على الافطار من تختار ؟

وين اعزوبي ادور المتأهلين ههههههههه يعزموني بصراحه اولهم صديقي الروح بالروح دفا العمر ..

وهمن ستليوس << مسوي الاخ محارب على الاسم انتبه على نفسك ..

وبعدين الأخوين رحيل وسولت ...

وحبيب الملايين ابو فهد <<<<<<< الله يعينا عليه شحوم ولحوم ههههههههههههه

والباقين كلاً مدسم شواربه بهم الخير والبركه ..
من تختار من الاعضاء ليكون بعدك ؟

اخــتـــار

علمتني الحياة ..

яάĵάђ

09-04-2008, 05:44 AM

8

8

اجل اللعبه اللي تلقط السمكه والله كانت لعبه بالنسبه لي اقدرها حييل بس مااخلص من اللعبه الا وراصي مصدع من التركيز :8:

يوهـ العالم حاطتن اسمي ولا دريت :8:

سوورياااات مادرعمت المنتدى من بدا رمضااان

تطروون حرمتن سنعه مغير اسربت بالمطبخ بص :8:

احس مالي داعي اجااوب رااح دوري خنااص :20:

يعطيــك العافيــه سولت ع الفكرهـ الحلووهـ ،،

وبص ،،

غلاك

09-04-2008, 07:30 AM

موضووع حلو
يسلمو سولت

عبداللـہ

09-04-2008, 11:14 PM

يسلمو مدير

ومشكورين ع المرور قميعا

ننتظر علومة

مسرعه بشويش

09-04-2008, 11:37 PM

موضوع رائع

تشكرااااات

Nina ritchy

09-05-2008, 12:55 AM

بصراااحه بادره راااائعه ...
ووإلى الأمام سولت

علمتني الحياة

09-05-2008, 01:55 AM

ماذا يعنى لك شهر رمضان؟

شهر الطاعه الرحمه .. والعباده . أحس بدخول الشهر براحه عجيبه غير كل الشهوور ..

تحس فيه تواصل بين الأهل .. تطيب النفوس فيه .. بصراحه من أعظم شهوور السنه ..

الله يتقبل مني ومن الجميع الطاعه
ماهو برنامجك اليومي في شهر رمضان(البرنامج كامل) ؟
برنامجي عاااادي جدا ..

طبعا أصحى من النوم الظهر أصلي وأرجع أنام للساعه 2 وبعدين أروح المطبخ ..

للمغرب .. أصلي بعدين أأأكل ...

ومن بعدهاا أقرا قراان جزء جزئين ... وأصلي ..

بعدين أجلس مع أهلي أو أطلع للأقارب ..

ونرجع على الساعه 1 وشوي نتسحر وأجلس للصلاة وأنام .. وكذا
حدثنا عن رمضان والطفولة وأيامك الاولى بالصوم؟

صمت لمن كان عمري 8 سنوات .. بس كنت أكل إلي يبقى من الكريمه ..

وأذوق لهم الشوربا ... ولا الحمد لله صايمه ...<<<<<< باين

ما هو الشيء الذي تتمنى فعله ولم يتحقق إلى هذا الوقت بـ هذا الشهر الفضيل...؟

مافي

ماهي الوجبة المفضلة عندك من حيث الطبق الرئيسي والمشرب والحلو؟

الشوربا أساااااسي

المشرووب فمتو

الحلو الجلكسيه
موقف ظريف حصل لك في شهر رمضان ؟

بصراحة اليوم .. كنت مطلعه الثلج بحطه بالفيمتو .. وورفعت شوي بالملعقه فمتو بذووقه

بارد ولا ولالا لاء وصرخو فيني ... عطش والله ..
ماهو المسلسل اوالبرنامج الذي تحرص على متابعته خلال شهر رمضان ؟

ماحب التلفزيووون يعني أجلس معهم بس أشغل نفسي بأي حااجه

إلي أركز فيها الدعاايات .. خخخخخخخ

أروووق عليها .. زهئأأأأأأنه أومي غسلي وشك ... قطوره مطره ... بوم شيكا واااوو
لو خيروك بين 5اعضاء لدعوتهم على الافطار من تختار ؟

بصراحه كل الأعضااء ...
من تختار من الاعضاء ليكون بعدك؟......

أممممممممممممممممممممممم

جمانه

عبداللـہ

09-05-2008, 02:48 PM

^
هههههههههههههههههههههههههههههههههههه
هههههههههههههههههههههههههههههههههههه

اجل تبين تذوقين الله يرج ابليسك

يسلمو ع التفاعل

وننتظر جمانه

عبداللـہ

09-07-2008, 05:49 PM

نختار عضو بدال جمو

واذا جات تجاوب

الرومنسية المنسية

اميرة الرومانسيه

09-07-2008, 06:49 PM

ماذا يعنى لك شهر رمضان؟

شهر فضيل شهر المحبه والأخوه والعطاء .. شهر انزل فيه القرءان .. شهر القلوب الصافيه .. شهر مايفرق بين الكبير والصغير الغني والفقير ...

ماهو برنامجك اليومي في شهر رمضان(البرنامج كامل) ؟
الفجر اقراء قراان الى الساعه 6ونص بعدين ارووح انام واقووم الساعه 11 وادخل نت والظهر بالمطبخ والعصر بعد الصلاة اقراء قران وبعيد المطبخ بعد صلاة المغرب ادخل ماسن لاني مااحب اتابع مسلسلات والعشااء صلاة تراويح وباليل نت وماسن وبس *ــ*
حدثنا عن رمضان والطفولة وأيامك الاولى بالصوم؟
اممم كنت اصووم يووم انا صغيره بس اكل تحت الطااوله خخ واحب اهااوش خوااتي وبنات الجيراان انا الرئيسه عليهم وهاذي حيااتي يووم انا ضغيره زعلانه ولا اهااوش ..

ما هو الشيء الذي تتمنى فعله ولم يتحقق إلى هذا الوقت بـ هذا الشهر الفضيل...؟

بصرااحه ودي ارووح لوحده من صحبااتي افطر عندهااا*ــ*
ماهي الوجبة المفضلة عندك من حيث الطبق الرئيسي والمشرب والحلو؟
1ـ تووت
2ـ مااء
3ـ شوربه
4ـ حلى
موقف ظريف حصل لك في شهر رمضان ؟

اممم كثيييييييييير امم امس الصبح قمت من النووم وشربت كاسين ماء خخخخ
ماهو المسلسل اوالبرنامج الذي تحرص على متابعته خلال شهر رمضان ؟

مااتابع شي ..

يمكن بيني وبينك اول الحلقاات ..

لو خيروك بين 5اعضاء لدعوتهم على الافطار من تختار ؟

بذرة غلا
قوومر
علمتني الحياة
جمانه
شيهاانه

امم الختاار اللى بعدي قوومر ...

عبداللـہ

09-07-2008, 06:54 PM

هع هع

يسلمو رورو

لكن قوومر تم اختيارها

شوفي غيرها ولا اختار انا

اميرة الرومانسيه

09-07-2008, 09:51 PM

اممم اختار انت خلاص اللى تشووفه ...

قوومر

09-07-2008, 10:22 PM

يسلموووووووو ع الدعوه رورو

بما انها اختارتني

اختار اللي بعدي هع >>>>>>>>>>>> بكيفي

امير الليل

عبداللـہ

09-07-2008, 10:25 PM

امير الليل وينك

مطلوب امنيا

امير الليل

09-08-2008, 02:44 AM

ماذا يعنى لك شهر رمضان؟

شهر يقوي صلتك برب العباد ويعودك على اهم شي في الدنيا الصبر فجميعا نصوم من الصباح الى المغرب ونعمل في نفس الوقت فنحتاج الى الصبر

ماهو برنامجك اليومي في شهر رمضان(البرنامج كامل) ؟

اصلي الفجر وثم انام الى الساعة الثامنه واذهب لعملي في الجبيل من الساعه 9 الى الثالثة واذهب للبيت واطقطق بمنتدانا القشطه الى المغرب واصلي التراويح بعد العشاء واجلس مع الاهل شوي الى الساعه 12 وانام للسحور 3 وهكذا يوميا.

حدثنا عن رمضان والطفولة وأيامك الاولى بالصوم؟

بصراحه كنت اقولهم صائم وانا في ثاني ابتدائي ويعطوني ريالين وافطربها وعلى هالموال الى نهاية رمضان الين عجزوا وصاروا مايسلوني قطعوا الامل اني اصوم

ما هو الشيء الذي تتمنى فعله ولم يتحقق إلى هذا الوقت بـ هذا الشهر الفضيل...؟

اني اصوم عند اجدادي لو يوم يكفي بس ماتحققت قريب ان شاء الله

ماهي الوجبة المفضلة عندك من حيث الطبق الرئيسي والمشرب والحلو؟

الطبق الرئيسي
المكرونه
والمشرب
توت
والحلو
الكنافه يويل حالي بس نحيف على كثر مااكل

موقف ظريف حصل لك في شهر رمضان ؟

اول يوم برمضان جالسين نفطر والهيهم بالسواليف وشغال افرم ماانتبهوا الا متاخرين

والله بعض الاحيان اتمرد جيعان وش اسوي.

ماهو المسلسل اوالبرنامج الذي تحرص على متابعته خلال شهر رمضان ؟

ولك شوبك باب الحارة لاني ملقب نفسي ابو شهاب لان شخصيته وعقليته قريبه مني حيل

لو خيروك بين 5اعضاء لدعوتهم على الافطار من تختار ؟

سولت

قوومر

علمتني الحياة

جنونك

شيهانه

من تختار من الاعضاء ليكون بعدك؟......

بذرة غلا

وشاكر استضافت سولت لي بارك الله فيكم

عبداللـہ

09-08-2008, 04:01 AM

يسلمو ع التفاعل امير الليل

وننتظر بذرة غلا

جنونكـ

09-08-2008, 05:07 AM

فديتكم كلكم على حماسكم ..

وينها بذرة غلا ..

سولت شغل الدوريه ودور عليها هههههههههههه

تحيتي

Śħέħάŋά

09-08-2008, 05:26 PM

يافديتكم آجل كل يووم عند وآحد الفطــور..

سووولت الله يهديكـ صكيت رووسنا بالدوريهـ اللي

مامنها فايدهـ القي القبض على المجنيهـ وجيبها..

امير الليل

09-08-2008, 06:46 PM

والله شكله الدوريه مافيها بنزين والا البطاريه مخلصه

والله فشلتنا ياسولت قمت اصرفك احسك تورطت.....هعهعهعهعهعهعهعهع

عبداللـہ

09-08-2008, 07:09 PM

^
^

ياتعبان معاي الجيب حق مناحي انا

هع هع

بعدين بذرة ارسلنا لها واذ ماجات نشوف نفرات ثانين يقطون وجيههم هنا

~» Ā я լ έ й Ā ®

09-09-2008, 04:10 AM

>>>> جآيه للموضوع متكلبشه موهآآهآآآي :8:

علومي .. ثآنكس ع آلآختيآر يآعسولتي :mh0226:

وثآآنكيوهآآآت للي عزموني .. بصرآحه سُفركم تفتح آلنفس :werfds:

يعطيكم آلعآفيـــه ,,

نجي لزبدة آلحتسي :CAMYX193:

ماذا يعنى لك شهر رمضان؟

شـهـر آشـ ع ـر فيـه بـ آلروحــآنيـه .. بـ آلآمــآن طـول آلوقت ,,

شــهــر آلمحبـه وآلعطــآء شهـر آلتوآصــل ..

شـهـر آلتســـآمح ,,

شهر آلخيـــر ع آلجميـــع ..

ماهو برنامجك اليومي في شهر رمضان(البرنامج كامل) ؟

آلفجـــر / .. آصلي وبعدهآآآآ آقرى جزء من آلقرآن .. بعدهآآ إذآ كــآن عندي وقت
آفتــح آلمسن وآسولف مع آلغآليــن على قلبي .. ومرآت آكون تعـبآآآآنـه فــ آنــــآم ,,

آلظهـر / آصلي .. وبعدي آجهز لـ آلفطور إذآآ كآن عليــآآ ,,

وآلعصـر / آلصلآه .. وبعدين آرتــــآح شوي من آلمطبخ ..

آقرى شوي قرآن .. آسبح وآستغفر ,,

آلمغرب / قبل آلصلآه آحضر آلعصيرآت وآلتمر و آلقهوه ....

وبعدهآ آفطر .. وآصلي ,,

وآلعشــآ / .. صلآة آلعشـآ و آلترآويح ..

بعدهآآ آقعد مع آخوآني .. وعآدةً آكون بــ آلصــآله

عشـــآن آكون حولين آلكــل ..

وإذآمآكنت بصآله يجون عندي بـ دآري .. وتسير لهم صـآله ثآنيه :8:

حدثنا عن رمضان والطفولة وأيامك الاولى بالصوم؟

ونآآآآآآآآآسه ..

كنت آموت بشي آسمه بآبآ فرحآن مدري وش حبينآ فيه آلله يقلع خشمه

خخخخخخخخخخخخخخخخخخ

في حلقآت مرعبه مرآآت آروح آصيح عند آمي ..

وبــ آلصيــآم كنت جديه حيل إلى درجه آن جدتي كآنت تقص علي مرآت ..

تقول آشربي قلآص حليب ومآآي ومآرآح تفطرين >>قوووووووويه يآجدتي :8:

آلمشكله آني آصدقهـآآآ وآروح آسأل آبوي .. يقول آيه صح كلآم جدتكـ :mh01:

شكله خآآف علي لآ آموت من آلجوع وآختفي :767:

ما هو الشيء الذي تتمنى فعله ولم يتحقق إلى هذا الوقت بـ هذا الشهر الفضيل...؟

آلحمدآلله كل شي من هـ آلشهر خير .. ورآضيه عنه ,,

ماهي الوجبة المفضلة عندك من حيث الطبق الرئيسي والمشرب والحلو؟

آلطبق آلرئيسي / آموووووووووووووت بـ آلشوربه ..

آلمشروب / تــآآآنج آو فيمتــــو ..

آلحلـــو / مآفي شي محدد :)

موقف ظريف حصل لك في شهر رمضان ؟

آمممممم ..

مره من آلمرآ جآلسه آسولف مع آختي آللي آصغر مني .. وكآنت تسألني عن مسلسل زينب آلعسكري ..

وآنآ هـ آلآدميه مآطيقهآ آبدآ .. تلوع جبدي مسلسلآتهآ.. خصوصاً آلاخيره .. مثآليتهآ بزيآده

وآنــآ مآدآني آللي زي كــذآ .. آحس تحتهم بلآوي متلتله :CAMYX193:

آلمهم تطريهآ لي ..وآنآ آقووووول وعععععععععععع من قلب وبصوت عآلي :CAMYX193:

مآشوف آلا آلبنت نقزت موآآهـــآآآآآهــــآآآههههههههههآآي :8:( عآد هـ آلبنت مآفي آجبن منهآ ع آلكره آلارضيه تخآف من ظلهــآآآ )

بس شكلهــآ كآن يموت ضحكـ .. آلآ درجه آني طحت من آلكرسي آللي كنت جآلسه عليه من آلضحكـ ,,

من زمــآآآن مآ ضحكت مثل كذآ ههههههههههههههههههههههههههه :8:

ماهو المسلسل اوالبرنامج الذي تحرص على متابعته خلال شهر رمضان ؟

بيني وبينكـ وبث :20:

مسلسلآت هـ آلسنه بآيخه جداً ..

لو خيروك بين 5اعضاء لدعوتهم على الافطار من تختار ؟

آممممم

آختــــآر بذرة غلآ ..

رومنسيه ..

جروحه ..

فآآآتن ,,

مسرعه بشويش

ودي آتعرف عليهم آكثر :20:

من تختار من الاعضاء ليكون بعدك؟......

آلمحـــــآرب :)

امير الليل

09-09-2008, 03:05 PM

جيب مناحي هع هع هع

والله أخاف انه حق جد مناحي

موديل 77 ......خخخخخخخخخخخخخخخ

تمشي ويتفتف....هعههههههههههع

عبداللـہ

09-09-2008, 03:35 PM

يتفتف على وجهك

ههههههههههههههههههههههههههه
ههههههههههههههههههههههههههه

ماعندنا جيوب تتفتف حنا

هع

يسلمو جمو ع التفاعل

وننتظر المحارب

امير الليل

09-09-2008, 09:46 PM

الا وجهك يامعفن حتى شايفه اسود

من كثر ماتفتف عليك روووح اشتغل

في محل جوالات احسن لك

وخل الدوريات لاهلها

خخخخخخخخخخخخخخخخخخ

قال ايش قال يتفتف على وجهي ...... رووح وروووح ابعد

امير الليل

09-09-2008, 09:48 PM

لاتزعل ماعليش على الكلمه

اسفففففففففف كتير خيو

المحارب

09-10-2008, 01:40 AM

7
7
7
7
حياكم الله هدوا شوي صارت مضاربة أعضاء جنونكـ في رمضان

:::::::::::::

السلام عليكم

ثانكس جمونة على اختياري :mh916:

ماعليكي قد الأجوبة أنـــا :image25:

نبدأ على بركة اللــه :mh13:

::::::::::::

ماذا يعنى لك شهر رمضان؟

شهر أنزل فيــــــــــــــه القرآن...

شهر الرحمة والغفران ....

شهر يكثر فيه المسلمون من قراء القرآن ...

شهر الإقبال إلى التوبة والإنابة ...

شهر كرم الله به هذه الأمــة على سائر الأمم ...

شهر الصوم والصبر ...

شهر فيه نور وضياء ... تبخ فيه عطور الحب والإخاء والتسامح ....

شهر إن تكلمت عنه لن أسكت فالأفضل أن أقتصر على ماقلت ...

ماهو برنامجك اليومي في شهر رمضان(البرنامج كامل) ؟

الفجر \ أصلي الفجر وأقرى قرآن:mh515: ---- بعد ذلك أكمل جلستي على النت والماسن مع بعض الأحباب :mh53:--- بعدين نوم :701:....

الظهر \ أصحى من النوم أصلي وأقرى قرآن شوي :mh515: --- وبعدين أقلب في النت أو أنام إلى العصر :701:...

العصر \ أصلي في الحرم وأجهز السفرة هناك وأقرى قرآن إلى المغرب :mh515:

المغرب \ أفطر :mh2547: --- وبعدين أصلي --- ومن ثمن أتجهز لصلاة العشاء والتراويح أسوي توضيب كامل لجسمي --- وأجلس أنتظر الصلاة بقراءة القرآن :mh515: في إحدى أرجاء الحرم التي اخترتها في تلك الليلة ......

العشاء \ أصلي العشا والتراويح --- وبعدين أقرى قرآن :mh515: --- ومن ثم أرجع للبيت اجلس مع الأهل وأتعشى --- وأقلب في النت إلى الفجر :mh51:....

تامرون شي ثاني :20:

على فكرة
هذا برنامجي إن ماتخلل يومي سفر أو زيارة لصديق أو قريب

حدثنا عن رمضان والطفولة وأيامك الاولى بالصوم؟

والله ما أذكر زين

لكن كنت أفرح كثير إن جا رمضان

وكنت أشعر بطعم لرمضان حقيقي بخلاف يوم كبرت

وكنت أصوم وأتمسك بصيامي حييل حريص على الصيام من يومي صغير

وكنت أحب بابا فرحان وأنتظر طاش أم طش وأنتظر اللقطات المضحكة في القناة الثانية وصلاة التراويح كان إنجاز لارحت صليت التراويح في الحرم

موقف ظريف حصل لك في شهر رمضان ؟

والله يالحبيب المواقف الظريفة كثيرة لاتعد ولاتحصى :783:

قليل في حقها كلمة كثيرة :mh21:

لدرجة إن أنـــا كذا بكبري موقف طريف :m07::mh0226:

مواقف نذالة - مواقف غباء - موقف طارئة >>> كله موجود اش تبون بس

:::::
نجي لموقف طارئ وطازج >> اليوم يعني

>>>>>>>>>>>>>>>>>اليوم اللي مابه موقف طارئ هذا يوم عجيب

نزل لعندنا بالمدينة اليوم رش مطر :mh95426:
فتعرفون ساحات الحرم كيف >> رخام واللي يطيح يتوسخ ويتعور.....
وانا ماشي بها بالحذيان على الساحات المبللة أتزحلق
لكني لا أسقط على الأرض :13:
تنحذف رجلي اليمين ترتفع رجلي اليسار >>> والعكس
تقولون مستر بن والا رقصة جديدة
هههههههههههههههههههههههههههههههههههههههه

::::
الموقف الثاني اليوم برضه >>> من الدلاخة

الوالد اليوم وهو خارج من البيت العصر قال لي بروح عمرة>> جا على بالي انه رايح مسجد قباء
قلت له طيب كان معه أخوي اللي أصغر مني
فجا أخوي اللي أكبر مني يسأل عنه قلت له أبوي راح يسوي عمرة >> يجي في باله مكة
فانصدم الأخ قال كيف والسيارة خربانة >> ياحليلة خايف على أبوي
المهم والزبدة
شوي وأبوي داخل البيت >> أنا تفاجأت على بالي بيفطر هناك
قلت له وراه عمرتك سريعة
قال انا ماقلت لك رايح أسوي عمرة قلت لك رايح العمارة
هههههههههههههههههههههههههههههههههه
لاتعليق بصراحة

::::
والموقف المشرف >> قبل اسبوع

كنت أقرى قرآن وانا جالس بالحرم
فكان اللي جنبي يسمع صوتي
فدقني فهمت منه ان أخفف صوتي
طالع فيني وأشر بيده ان أهدي وقال انت ماشاء الله صوتك مثل إمام الحرم >> يقصد عبدالمحسن القاسم في المدينة
فقلت له بكل خجل ليه
قال هو مدرسك والا كيف انت صوتك زيه مرررررررة
المهم استحيت وانبسطت في نفس الوقت فخفضت صوتي حيييل

لو خيروك بين (5) أعضاء لدعوتهم على الافطار من تختار ؟

الكل فيه الخير والبركة

لكني هالمرة باختار

ياويل حالي
جروحه
بذرة
رومنسية
دفا العمر

من تختار من الاعضاء ليكون بعدك؟......

أختـــــــــــــــــــار

رحيــل القمر

‏رכــيـل القمر

09-10-2008, 04:01 AM

ماذا يعنى لك شهر رمضان؟

الهدوء والمتعه
الروحانيه والفله
كل شي بصراحه

ماهو برنامجك اليومي في شهر رمضان(البرنامج كامل) ؟
اتسحر اصلي الفجر
بعد الفجر نت الى 11
انام واصلي واحيان تروح نومه

صلاة عصر عقبها جلسه للفطور
واحيان نومه
فطور مغرب
اند سواليف الين واصيلي وربعه
عقبها اتابع شر النفوس ومن ثم صلاة العشاء وعقبها
اتكي شويات الين يجي باب الحاره اخلص منه
ادخل نت او اطلع براا
ولو ماطلعت اتابع عيون عليا
وعقبها نت الى السحور
وهكذاا خخخخخخخخخخخخخخخخخخخ<<<صريح للغايه

حدثنا عن رمضان والطفولة وأيامك الاولى بالصوم؟
رمضان زمان كان فله
طراطيع والبلد وحركتاات
ومافيه غير الهجوله وكوره وشين يحبه قلبك

ما هو الشيء الذي تتمنى فعله ولم يتحقق إلى هذا الوقت بـ هذا الشهر الفضيل...؟
امممممم ابد مافيش

ماهي الوجبة المفضلة عندك من حيث الطبق الرئيسي والمشرب والحلو؟
الطبق ايدام
المشروب
مويه <<انزلع هههههههههه

موقف ظريف حصل لك في شهر رمضان ؟
مره كنا نلعب كوره وواحد معه العاب ناريه من الحجم الكبير وفجر وحده قريب مني
وانا سمعت الصوت وكان اشوت الكوره بعيد عن المرمى رغم اني كنت منفرد خخخخخخخخخ

ماهو المسلسل اوالبرنامج الذي تحرص على متابعته خلال شهر رمضان ؟
شر النفوس وعيون علياا وباب الحاره وواصيلي
بس خخخ

لو خيروك بين 5اعضاء لدعوتهم على الافطار من تختار ؟

ولا واحد كلهم خايس هههههههههههه

لا امزح

اعزم

احم احم
وجنونك
وجماناا
وشيهانه
وساحبه

وطبعا سولت بما انه اخوي بيجي اكيد ههههههههههههههههه

من تختار من الاعضاء ليكون بعدك؟......

اختار احم احم

عبداللـہ

09-10-2008, 04:12 AM

^
^

معقولة

ههههههههههههههههههههههههههههه
ههههههههههههههههههههههههههههه

منورين الموضوع جميعا اجمعين

وبانتظار احم احم

‏رכــيـل القمر

09-10-2008, 04:36 AM

معقوله هههههههههههه
قسم

احم احم

09-10-2008, 05:48 AM

ماذا يعنى لك شهر رمضان؟

شهر الخير والبركة .. شهر الرحمة والعتق من النار .. شهر غير الشهور

ماهو برنامجك اليومي في شهر رمضان(البرنامج كامل) ؟

أصلي الفجر وانام اقوم العصر أحيان .. افطر أروح العمل الساعه 8 ونص الى 3 الفجر أجي أتسحر واجلس عالنت الى الفجر وهكذا ..

حدثنا عن رمضان والطفولة وأيامك الاولى بالصوم؟

أبد صوم من أولى متوسط .. بسادس بديت أسوي بروفات خخخخخ

يعني أصوم الى الظهر وافطر خخخخ

ما هو الشيء الذي تتمنى فعله ولم يتحقق إلى هذا الوقت بـ هذا الشهر الفضيل...؟

القران بيني وبين نفسي قرائته وربي اني اهملت شي مافي وقت

ماهي الوجبة المفضلة عندك من حيث الطبق الرئيسي والمشرب والحلو؟

القيمات .. والسمبوسه .. والشوربه

موقف ظريف حصل لك في شهر رمضان ؟

ماهو المسلسل اوالبرنامج الذي تحرص على متابعته خلال شهر رمضان ؟

باب الحاره .. حتى وانا بالعمل اخلي اخواني يسجلونها لي .. وبيني وبينكـ

لو خيروك بين 5اعضاء لدعوتهم على الافطار من تختار ؟

جنونكـ .. رحيل .. سولت .. سلتيوس .. ملكة البحر

احراج مفروض ماقيدتها بخمسة

من تختار من الاعضاء ليكون بعدك؟......

لصاحب الموضوع كامل الحرية .. مااعرف من بااقي

عبداللـہ

09-10-2008, 06:01 AM

اقول وش رايك نصلي الفجر ثم نروح نفطر كبدة من بوفية القريات

نبي نخربها اليوم

هههههههههههههههههههههههههههههههههههههه

يسلمو احم احم

مشكور على تواجدك وتفاعلك النووي:8:

واختار الاخ دفا العمر

دفا العمر

09-12-2008, 12:34 AM

ماذا يعنى لك شهر رمضان؟
شهر الخير والمغفره
ماهو برنامجك اليومي في شهر رمضان(البرنامج كامل) ؟
لف السمبوسه وقليها

حدثنا عن رمضان والطفولة وأيامك الاولى بالصوم؟
الصدق لا اذكر بس اذكر ايام مرت زمان علي ان التونه تخلص من البقاله الي جبنا
من كثر الطلبات عليها وقبل المغرب اسوي نفسي صايم وهلكان ضمى

ما هو الشيء الذي تتمنى فعله ولم يتحقق إلى هذا الوقت بـ هذا الشهر الفضيل...؟
ولله اني مقصر في كل شي حتى الثوب مقصره واتمنى ان الله يعيني ويعينكم على صيامه وقيامه

ماهي الوجبة المفضلة عندك من حيث الطبق الرئيسي والمشرب والحلو؟
الشوربه اهم شي عندي والمشروب الفيمتو اموت في الفيمتو

موقف ظريف حصل لك في شهر رمضان ؟
مره قبل الافطار كنت ابي اتضارب مع واحد يوم نزل من السياره الى وذاك الجثه الي من جد يخوف ومناخره المفتحه جاء عندي الا وانا طالع رقم صفر بجنبه فقام يتكلم علي وقلت انا له من الراعه ورجال يبي الفكه من هالمصيبه الي واقف قدامه ورديت بكل برود والواثق بنفسه رح وراك ازيلك لايجي علوم ولاتجرح صيامنا وقلت اللهم اني صايم
ومشيت الى سيارتي والناس الموجودين ماصدقت وهم يمسكون هالثور الي يبي ياكلني واركب موتري وامشي حتى بدون فرامل

ماهو المسلسل اوالبرنامج الذي تحرص على متابعته خلال شهر رمضان ؟
الفطين في قناة الراي وبيني وبينكم لمحمد العوضي

لو خيروك بين 5اعضاء لدعوتهم على الافطار من تختار ؟
اختار اخي جنونك وصاحب الموضوع وشيهانه وعلمتني الحياة وعالي مستواي
علشان اضمن ان مافيه خساير لان البنات مايقدرو يجو للعزيمه تخبرون حارس امن وراتبي يادوب يكفي

من تختار من الاعضاء ليكون بعدك؟

ام كشه

Śħέħάŋά

09-12-2008, 02:00 AM

هههههههههههههههههههههههههههههههههههههه
هههههههههههههههههههههههههههههههههههههه

افا عليكـ دفاا جايتكـ وبجيب آخوي معي محرم..

دفا العمر

09-12-2008, 03:18 AM

شيهانه باتكس
يعني مامن فكه

عبداللـہ

09-12-2008, 06:45 AM

طلعت نشبه

هههههههههههههههههههههههههه

يسلمو دفا العمر

ومنتظرين ام كشة

قوومر

09-12-2008, 06:53 AM

هههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههه
اووووووووووما برنامجك زحمه يادفااا
طلعت اخطر مني
تلف سمبوس مره وحد ه

يعطيكم العافيه جميعآآآ <<<<<<<<<<<<< وش له رازه االفيس

Śħέħάŋά

09-13-2008, 01:21 AM

اي نشبه انا مااحب ارد عزيمة آحد
ههههههههههههههههههههههههههههههههههههه
ههههههههههههههههههههههههههههههههههههه

ماعليكـ بجيب معي فطوري واوزعهـ بصحونكـ...

ننتزر ام كشه..

المحارب

09-13-2008, 01:52 AM

هههههههههههههه

والله يالنشبة

كان عزمتني دفـــا

كنت بعتذر ع طووول

لاني مزحوم حيل انـــا

>>>>>>>>>>> بس أرسل لك قبيلتي عشان مانخيب ظنك فينا

عبداللـہ

09-13-2008, 02:56 AM

شيهو

اسحبيها بكشتها وخليها تجي تشارك بسرعه

لاتسحب علينا زي مضاوي

دفا العمر

09-13-2008, 03:07 AM

هههههههههههههه

والله يالنشبة

كان عزمتني دفـــا

كنت بعتذر ع طووول

لاني مزحوم حيل انـــا

>>>>>>>>>>> بس أرسل لك قبيلتي عشان مانخيب ظنك فينا

انت راعي البيت يالمحارب
ولوني داري كان عزمتك علشان تعتذر بس خفت اتوهق هههههههههههههه
لكن مادام شيهانه بتجيب الفطور معها حياك بكفي انشالله

Nina ritchy

09-13-2008, 06:50 AM

طيب انا وين رحت محد عزمني ...
هيء هيء هيء هيء...
ماعليه راح اصرف نفسي في اقرب خيمة تفطير صايم...

عبداللـہ

09-17-2008, 07:37 AM

ويييييييين ام كشة ماجات

الموضوع مفتوح للجميع بدون مانحدد عضو يكون احسن

عشان الكل يشاركنا

حبيتهم وراحوا

08-06-2009, 03:54 AM

مشكووور اخوي عبدالله....... ما صدقت ينفتح الموضوع على طول طبت

ماذا يعنى لك شهر رمضان؟
ممممممم روح ثانيه حياة ثانيه شخصيه ثانيه يعني حبيتهم وراحوا وحده ثانيه
ماهو برنامجك اليومي في شهر رمضان(البرنامج كامل) ؟
من الفجر وبعد السحور انام لحد الساعه 12 بعدها ادخل المطبخ اكرف فيه لما بعد الافطار بما اني بنت وماعندنا شغاله
بعد المغرب وبعد تنظيف المطبخ ابدا بشغل البيت المقرر لي بعدها اناظر التلفاز الى اذان العشاء اصلي العشاء والتراويح وبعدها قرآن الى ان اختم ثلاث اجزاء وان قدرت اكثر عادي بعدها اتعشا واجلس الى الفجر يا اقرا قرآن او اني اجلس مع الاهل
حدثنا عن رمضان والطفولة وأيامك الاولى بالصوم؟
هههههههههههههههههههه ياحليلي والله اني تووحفه تصدقون كنت بثاني ابتدائي كنت صايمه هههههه يوم حسيت بالجوع بعد صلاة العصر المهم اشوف ذاك التمر واكل واروح طيران للسطح واجلس اكل ويوم رجعت للمطبخ القى امي تقول وينك فيه تو قلت انا مو فالسطح ههههههه وما كنت اكل تمر ههههههههههه والله براااءه

اول رمضان صمته كامل رابع ابتدائي والصوم الصح كنت اصوم بس مو كل يوم افطر فالرمضان اسبوع او اكثر

ما هو الشيء الذي تتمنى فعله ولم يتحقق إلى هذا الوقت بـ هذا الشهر الفضيل...؟
تنظيم وقتي احس من يدخل رمضان الى ان يطلع وانا معفووووسه

ماهي الوجبة المفضلة عندك من حيث الطبق الرئيسي والمشرب والحلو؟
اي شيء عدا اللحوم ما احبها والعصير اي شيء عدا المانجو والحلى اي نوع عادي بس ما يكون مو حلو طعمه
موقف ظريف حصل لك في شهر رمضان ؟
ههههههههههههه ابوك يالمواقف كثير مره من المرات جالسه الف السمبوسك واكلت من الحشوه ههههههههه وابوي يضحك علي انا التفتت وبعدين طالعت التلفزيون قلت يمكن فيه شيء كان على ايام بابا فرحان وانا اكل وماعندي
قلت وش اللي يضحك قال ابوي ولا شيء بس روحي غسلي هو قاله والا ما قاله بغيت اصيح كل اهلي عرفو هالموقف وكلهم طلعوا ابداعهم في ان دمهم خفيف

ماهو المسلسل اوالبرنامج الذي تحرص على متابعته خلال شهر رمضان ؟
ولا شيء الا الاشياء المفيده اللي بوقتها يعني مو مسلسلات وخربوطات
بيمديني عليها بعدين
لو خيروك بين 5اعضاء لدعوتهم على الافطار من تختار ؟
اولهم ولبا قلبها وحيده وثانيهم وبدون خيارات الاموره نوره لانها دعتني لهذا المنتدى ثالثهم انجو احسها بتعطي نكهه على الفطور الرابع انت عشانك حطيت الموضوع للجميع
الخامس انا
هههههههههههههههههههههه لا العب اممممممممم من اختار من اختار جنونك عشانه حط لنا هالمنتدى الحلو ربنا يوفقه

من تختار من الاعضاء ليكون بعدك؟......
اي احد بس حلو زيي>>>>براااا
العب عادي اي احد كلهم عسل في عسل

وحيده

08-06-2009, 04:42 AM

ماذا يعنى لك شهر رمضان؟
شهر غير باقي الشهوور أنتظره بفارغ الصبر ::..وأهوا شهر الخير والغفراان ::...

ماهو برنامجك اليومي في شهر رمضان(البرنامج كامل) ؟
أسهر لحد السحوور وبعد السحور أصلي الفجر بعد الصلاة انام واقوم الساعه 1 الظهر أصلي صلاة الظهر أجلس اقرا قرآن أشوي ثم اتجه للمطبخ ونجهز الحشو ثم العصر نحشي ونسوي العشى بعد اذان المغرب وبعد الافطاار نجلس مع بعض نضحك ونسولف ثم بعد صلاة العشاء أصلي العشاء والتراويح بالمسجد ثم نرجع للبيت وأنجهز العشى وبعدها أجلس أشوف التلفزيوون ::..

حدثنا عن رمضان والطفولة وأيامك الاولى بالصوم؟
أنا اصوم صح مو مثلك يا حبيتهم وراحوا ::...أولما صمت قبل دخولي للمدرسه وصياام صح بس أتأخر في الافطاار ما افطرأمبكر وأول صياام شهر صمته أفطرت ثلاث مراات ::..

ما هو الشيء الذي تتمنى فعله ولم يتحقق إلى هذا الوقت بـ هذا الشهر الفضيل...؟
أني اختم القرآن في الشهر رمضان ماعمري ختمته في رمضان ::..

ماهي الوجبة المفضلة عندك من حيث الطبق الرئيسي والمشرب والحلو؟
السمبوسه والشوربا ::..::عصير اليمووون ::..::كريما

موقف ظريف حصل لك في شهر رمضان ؟
لايوجد

ماهو المسلسل اوالبرنامج الذي تحرص على متابعته خلال شهر رمضان ؟
أفلام كرتوون وهذى شي اكيد ألي بس يلفت انتبااهي ::..

لو خيروك بين 5اعضاء لدعوتهم على الافطار من تختار ؟
حبيتهم وراحوا and منوله الهلاليه and الأموره نوره and لاراand منتدى جنونك بكبره يعني باقي الاعضاء كلهم ::..

من تختار من الاعضاء ليكون بعدك؟......
أختااااااااااااااار::..

أممممممممممممممم

صاحب الموضوع عبدالله

عبداللـہ

08-06-2009, 04:46 AM

^
^

ياحليلك انتي وياها

الموضوع حق السنه اللي راحت وبما ان كثير شاركو فيه خليناه مفتوح

الا اذا تحبين تضيفين اسم جديد هع

منورة انتي وهي

اللي ماشارك يشارك هع

بدون تذاكر بعد>>> برآآ

حبيتهم وراحوا

08-06-2009, 05:57 AM

^
^

ههههههههههههه
طيحت وجه
عاتي عاتي مو مشكله نوبروبلم>>>>لمي باقي وجهك وبرا بس
نجدد>>>ابوك يالترقيع
وبعدين فيه اعضاء جدد مثلنا اضحكوا عليهم اقصد يعني بيقولون وش صار وش ما صار فيهم
خله مفتوح احسن الاعضاء في تجدد مستمر
ولاتفشل مره ثانيه
موضوعك مو حق سنه معينه ما حددت
يعني مواكب لجميع العصووور

وحيده

08-06-2009, 06:36 AM

خخخخخخخخخخخخخخـــ ـــ ـــ ـــ ـــ

الله يعنا على تلقيط وجهناا ::..

بس عادي أحنا مقبلين على رمضاان وعادي لو ردينا ::..

والموضوع ما مشى زين نقول نمشيه ::..

فيه اعرجه الموضوع ::..::خخخخخخـ ــ ــ ــ

بس رد ياعبدالله انا استضفتك بمووضوعك ::..

بلاقديم بلا كلم فاضي ::..

جروحه

08-06-2009, 08:13 PM

ههههههههههه

موضووع توووحفه ..

يالله ننطرك ياعبودي

حَلمُـ مـســـآفرّ

09-06-2009, 10:22 AM

ماتسيب حركات الاحراج انت وجهك :بس نفسي ارد ع االموضوع عاقبني اذا ممكن مسويه مؤدبه الاخت

ماذا يعنى لك شهر رمضان؟
كل شيء في رمضان له طعم غير والاحلى تحس الناس قلوبهم على بعض.
ماهو برنامجك اليومي في شهر رمضان(البرنامج كامل) ؟
كامل مره وحده هو البرنامج متغير بس الاغلب النوم بعد الفجر واصحى اصلي الظهر وارجع انام واصحى العصر وبعدين اتشرف وادخل المطبخ واسوي عجينة الفطاير واهرب انا و عفشي متواجهه الى التلفاز لخبزها وحده ماتحب جلسة المطبخ والله لايوريكم تعليقات امي وبعد صلاة المغرب اقدم الصامولي اللي سويته ع قول اخوي(العصرتعليقات الماما والمغرب تعليقات الاخوان )وبعد ين اروح المسجد اصلي العشاء والتراويح وعلى الساعه 11تبدا الزيارات الى الساعه2 وبعدين السحور واهم شيء الزحمه عند التلاجه علشان المويه كانا ماشفنا مويه في حياتنا وسلامتك

حدثنا عن رمضان والطفولة وأيامك الاولى بالصوم؟
فاقده ذاكرة الطفوله ع قولتهم الحمد لله مانسيت اسمي
ما هو الشيء الذي تتمنى فعله ولم يتحقق إلى هذا الوقت بـ هذا الشهر الفضيل...؟
اتمنى افطر مع الناس اللي يفطرون عند مسجدنا,اجلس اراقبهم مع الشباك اكسر الخاطر ههههه
ماهي الوجبة المفضلة عندك من حيث الطبق الرئيسي والمشرب والحلو؟
اهم شيء السيده بيتزا تكون حاضره والسيد منجا اما الحلى لااوحبه ابدا
موقف ظريف حصل لك في شهر رمضان ؟
لا اتزكر البته
ماهو المسلسل اوالبرنامج الذي تحرص على متابعته خلال شهر رمضان ؟
برنامج اليابانيين والعرب (خواطر) ومسافرون وذكرى وبيني وبينكم
لو خيروك بين 5اعضاء لدعوتهم على الافطار من تختار ؟
افا بس خمسه الكل عزيز وغالي

من تختار من الاعضاء ليكون بعدك؟......

اللي مارد يرد ع الموضوع اذا ماعليه امر وخصوصا المطلوبين سابقا

ايه نسيت اقول وعليكم السلام وكل عام وانت بخير ياأخ عبيدان